काठमाडौँ – प्रधानमन्त्री सुशीला कार्कीले मुलुकमा दिगो स्थायित्व कायम गर्न सरकारले सम्पूर्ण शक्ति लगाएको बताउँदै, आउँदो प्रतिनिधि सभाको निर्वाचनमा सुरक्षा व्यवस्थापनमा उच्च सतर्कता अपनाउन सुरक्षा निकायलाई निर्देशन दिएकी छन्।
शुक्रबार सशस्त्र प्रहरी बलको २५ औँ सशस्त्र प्रहरी दिवसको अवसरमा आयोजित कार्यक्रमलाई सम्बोधन गर्दै प्रधानमन्त्री कार्कीले विगतका निर्वाचनहरु स्वतन्त्र, निष्पक्ष र भयरहित वातावरणमा सम्पन्न भएको भन्दै सशस्त्र प्रहरी बलको भूमिका प्रशंसनीय रहेको उल्लेख गरिन्।
उनले भनिन् कि सुरक्षा चुनौतीहरु समयअनुसार परिवर्तन हुँदै आएको हुँदा, आसन्न निर्वाचनका सम्भावित चुनौतीहरुको सुक्ष्म अध्ययन गरी उच्च पेशागत दक्षता र सतर्कताका साथ कार्य सम्पादन गर्न निर्देशन दिइएको छ।
प्रधानमन्त्री कार्कीले थपे, “निर्वाचनमा एक थोपा पनि रगत बग्नु हुँदैन, कोही पनि घाइते हुनु हुँदैन। यसैअनुसार सबै सुरक्षा अंग परिचालन गरिएको छ र उनीहरुको पूर्ण तयारी सुनिश्चित गर्न निर्देशन दिइएको छ।”
उनले यसै अवसरमा वर्तमान संक्रमणकाल अन्त्य गरी मुलुकमा दिगो स्थायित्व कायम गर्ने सरकारको प्रतिबद्धता दोहोर्याइन्।
