काठमाडौँ – बर्दियाको बारबर्दिया नगरपालिकाअन्तर्गत भवन तथा बस्ती विकास शाखामा कार्यरत एक इन्जिनियरलाई घुस रकम लिँदै गरेको अवस्थामा नियन्त्रणमा लिइएको छ।
अख्तियार दुरुपयोग अनुसन्धान आयोगका अनुसार जनता माध्यमिक विद्यालय, रम्भापुरमा निर्माण गरिएको चार कोठे भवनको अन्तिम भुक्तानी प्रक्रिया सहज बनाइदिने सर्तमा सेवाग्राहीसँग नगद मागिएको थियो।
सोही क्रममा इन्जिनियर मोहन देव मल्लले एक लाख पचास हजार रुपैयाँ लिएको सूचनाका आधारमा आयोगको टोलीले कारबाही अघि बढाएको हो।
घटनासँग सम्बन्धित थप अनुसन्धान भइरहेको आयोगले जनाएको छ।
