काठमाडौं — अर्थमन्त्री स्वर्णिम वाग्ले ले नेपाललाई अवसरले भरिएको, मेहनती नागरिकहरूको देशका रूपमा अगाडि बढाउने लक्ष्यसहित सरकार सक्रिय रूपमा काम गरिरहेको बताएका छन्।
निजी क्षेत्रसँगको अन्तरक्रियामा उनले उद्यमशीलता प्रवर्द्धन, लगानी विस्तार र रोजगारी सिर्जनालाई प्राथमिकतामा राखिएको उल्लेख गरे। सरकारको ध्यान अब व्यवसायमैत्री वातावरण निर्माण, प्रक्रियालाई सरल बनाउने र नयाँ उद्यमलाई प्रोत्साहन गर्ने दिशामा केन्द्रित रहेको उनले बताए।
उनका अनुसार, इमान्दार र जिम्मेवार व्यवसायीहरूका लागि आगामी दिन अझ सहज बन्नेछ। “हामी यस्तो वातावरण बनाउँदैछौँ जहाँ मेहनत र सिर्जनशीलतालाई सम्मान मिलोस्,” उनले संकेत गरे।
अर्थमन्त्री वाग्लेले सरकार र निजी क्षेत्रबीचको सहकार्यले देशको अर्थतन्त्रलाई नयाँ उचाइमा पुर्याउने विश्वास व्यक्त गरे। उनले सबै पक्षलाई सकारात्मक सोचसहित अघि बढ्न आह्वान गर्दै, समृद्ध नेपालको यात्रामा संयुक्त प्रयास अपरिहार्य रहेको बताए।
