काठमाडौं- सिरहाको लहानमा गोली चलेको छ ।
काठमाडौँस्थित लागूऔषध नियन्त्रण ब्युरो टोलीले लहानमा गोली चलाएर ६ जनालाई नियन्त्रणमा लिएको छ।
लहानस्थित हस्पिटल चोकमा बिहीबार दिउँसो गोली चलाएर ब्युरो टोलीले ५ भारतीय र १ नेपालीलाई नियन्त्रणमा लिएको हो।
उनीहरूको साथबाट खैरो हिरोइन २ सय २५ ग्राम बरामद भएको प्रहरीले बताएको छ।
एक भारतीय र एक नेपालीको खुट्टामा गोली लागेको प्रहरीले जनाएको छ।
