काठमाडौँ– चिलिमे जलविद्युत आयोजनाको सुरुङमा थप दुई वटा शव निकालिएको छ।
यससँगै यस सुरुङबाट कूल पाँच वटा शव निकालिएको छ। यसअघि बुधबार नै तीन वटा शव नकालिको थियो। यस सुरुङमा ६ जना फसेको अनुमान गरिएको थियो।
विदेशीसहितको संयुक्त खोज तथा उद्धार टोलीले हेलिकप्टरमार्फत स्याफ्रूबेसीमा ड्रप गरिएको एक्साभेटर र लोडरले चट्टान फोरी करिब १ हजार ५० मिटर बाटो निर्माण गरी सुरुङसम्म पुर्याएको सेनाले जानकारी दिएको छ।
लेदो हटाउने क्रममा सुरुङको करिब ७० मिटरमा भित्रदेखि पानी निस्किरहेको फेला परेको र पानी निस्किएको प्वालबाट उद्धार टोली प्रवेश गरी करिब १३० मिटरसम्म खोजी गर्दा पानीको सतह टनेलको माथिल्लो भागसम्म पुगेका कारण एक्साभेटर प्रयोग गर्न नसकिने अवस्था सिर्जना भएको थियो।
