काठमाडौं । वैदेशिक रोजगार कार्यालय ताहाचल काठमाडौंले कर्मचारीका लागि १५ दिने अरेबियन भाषा कक्षाको सुरुवात गरेको छ ।
वैदेशिक रोजगारीका लागि विदेश जाने नेपाली श्रमिकहरूको धेरै श्रम गन्तव्य मुलुकहरू अरेबियन मुलुकहरू रहने गरेका छन् । कर्मचारीहरूलाई अरेवियन भाषा कक्षा सञ्चालन गरिनु महत्त्वपूर्ण हुने निष्कर्षसहित कार्यालयले कक्षा सञ्चालन गरेको हो ।
कक्षामा कार्यालयमा कार्यरत कर्मचारीको अलावा श्रम, रोजगार तथा सामाजिक सुरक्षा मन्त्रालय तथा वैदेशिक रोजगार विभागमा कार्यरत कर्मचारीको समेत सहभागिता छ ।
अरेबियन भाषा कक्षाबाट कर्मचारीको दक्षता अभिवृद्धि हुनुका साथै भविष्यमा श्रम स्वीकृति प्रदान गर्नेलगायतका कार्यमा भिसा जाँच, मागपत्र र भिसामा उल्लेख हुने पेसाको जाँचलगायतका विषयमा कर्मचारीको कार्यकुशलता अभिवृद्धि हुने अपेक्षा कार्यालयको छ ।
