![](https://laltinkhabar.com/wp-content/uploads/2023/10/gutres_YIOrlGqcqc.jpg)
पोखरा । संयुक्त राष्ट्रसंघका महासचिव एन्टोनियो गुटरेसले पोखरा २२ स्थित पुम्दीभुम्दीमा रहेको महादेवको विशाल मूर्ति अवलोकन गरेका छन् । सवा २ बजे नेपाली सेनाको जहाजबाट पोखरा अवतरण गरेका उनी केहीबेर होटलमा आराम गरेपछि पुम्दीकोट उक्लिएका हुन् ।
पोखराका मेयर धनराज आचार्य, सुरक्षा प्रमुखको टोली सहित उनी पुम्दीकोट पुगेका थिए । गुटरेसले पोखराको प्राकृतिक सुन्दरताको मुक्तकण्ठले प्रशंसा गरेका छन् । उनी मंगलबार विहानै हेलिकोप्टरमार्फत अन्नपूर्ण बेसक्याम्प पुग्नेछन् ।
केही समय स्थानीयसँग कुराकानी गरेपछि पोखरा फर्किएर लुम्बिनी जाने कार्यक्रम छ । उनले लुम्बिनी जानुअघि पोखरामा पत्रकारसँग कुराकानी गर्ने बताइएको छ ।