इलेक्ट्रिक ट्याक्सीबाट सेवा दिने राइड सेयरिङ एप्स ‘ई–ड्राइभ नेपाल’ सञ्चालनमा आएको छ । ई–ड्राइभ नेपालको सेवा आजबाट सुरु भएको हो ।
कम्पनी आफैँले इलेक्ट्रिक ट्याक्सी किनेर चालकलाई किस्ताबन्दीमा उपलब्ध गराउने गरी ई–ड्राइभ नेपाल राइड सेयरिङ एप्स सञ्चालनमा ल्याइएको कम्पनीका अध्यक्ष राजेश मास्केले ताए ।
कम्पनीले इलेक्ट्रिक ट्याक्सी मात्रै चलाउने छ । यसका लागि पहिलो चरणमा ४० वटा ट्याक्सीमार्फत सेवा दिइने कम्पनीका अध्यक्ष राजेश मास्केले जानकारी दिए ।
अध्यक्ष मास्केका अनुसार कम्पनी आफैँले इलेक्ट्रिक ट्याक्सी किनेर चालकलाई उपलब्ध गराउनेछ । ट्याक्सी लिन चाहने चालकले सुरुमा ७ लाख रुपैयाँ तिर्नुपर्छ । महिला चालक भएमा ५ लाख मात्रै तिरे पुग्छ । यसपछि मासिक ७० हजार रुपैयाँको हाराहारीका दरले किस्ता बुझाउनुपर्छ ।
