काठमाडाैं, ३ पुष – पूर्वशिक्षामन्त्री शिशिरको खनालले नेपाली विश्वविद्यालयका टपरलाई निजामती सेवामा सीधै प्रवेश दिनुपर्ने प्रस्ताव गरेका छन् । बुधबार संसदको राज्य व्यवस्था समितिमा निजामती विधेयकको संशोधन प्रस्तावमाथिको छलफलमा बोल्दै उनले यस्तो बताएका हुन् ।
रास्वपा सांसद खनालले अमेरिका, अस्ट्रेलिया गएका टपर युवाहरूलाई सीधै नेपाल ल्याउनुपर्ने बताए । विश्वविद्यालयकाा गोल्ड मेडलिस्ट निजामती सेवामा आएमा यसले प्रतिस्पर्धाको स्तर बढाउने उनले बताए ।
सांसद खनालले पटक–पटक एउटै व्यक्तिले आरक्षण पाउन नहुने बताए । पटक–पटक आरक्षण पाउने व्यवस्था हटाएर एकपटक मात्रै पाउर्ने व्यवस्था गर्नुपर्ने उनको प्रस्ताव छ ।
निजामती सेवामा नियुक्ति पाएको भोलिपल्टदेखि ज्येष्ठता लागु हुनुपर्ने र पदस्थापनमा चक्रीय प्रणाली लागु गरेमा कर्मचारीले राम्रो नतिजा दिन सक्ने उनको सुझाब छ ।
