पाटनमा दश महाविद्या परिक्रमा पूजा सम्पन्न- फोटो फिचर

लाल्टिन खबर
३ आश्विन २०८३, शनिबार

ललितपुर – ललितपुरको पाटनस्थित बालखा टोलमा रहेको श्री भैरवी शक्ति पीठमा शनिबार दश महाविद्या परिक्रमा पूजा सम्पन्न भएको छ।परम्परागत रूपमा पालैपालो सञ्चालन हुँदै आएको यस वर्षको दश महाविद्या पूजा श्री भैरवी शक्ति पीठबाट सुरु गरिएको हो। पूजामा स्थानीय भक्तजनको उल्लेख्य सहभागिता रहेको थियो।पूजापछि भक्तजनले बाजागाजासहित पाटनका विभिन्न दश महाविद्या शक्ति पीठको परिक्रमा गरेका थिए। परिक्रमा क्रममा भक्तजनले सम्बन्धित शक्ति पीठमा पूजा सामग्री तथा समह्यबजी चढाएर धार्मिक विधिअनुसार पूजा तथा आराधना गरेका थिए।

दश महाविद्या परिक्रमा पूजा पाटनको प्राचीन धार्मिक तथा सांस्कृतिक परम्परासँग जोडिएको महत्वपूर्ण पर्वका रूपमा मनाइँदै आएको छ।

तस्बिरः घनश्याम श्रेष्ठ/रासस