काठमाडौँ- विशेष अदालतले चर्चित व्यवसायीद्वय दीपक भट्ट र सुलभ अग्रवाललाई पुर्पक्षका लागि थुनामा पठाउन आदेश दिएको छ।
उनीहरू विरुद्ध दायर भएको सम्पत्ति शुद्धीकरण मुद्दामा थुनछेक बहस सकिएपछि अदालतले बुधबार यस्तो फैसला सुनाएको हो।
विशेष अदालतका अध्यक्ष सुदर्शनदेव भट्ट तथा सदस्य न्यायाधीशहरू उमेश कोइराला र विदुर कोइरालाको संयुक्त इजलासमा आरोपीहरूको बयान लिइएको थियो।
बयान सकिएलगत्तै भएको थुनछेक बहसपछि अदालतले उनीहरूलाई थुनामै राखेर मुद्दाको किनारा लगाउन आदेश जारी गरेको हो।
