महोत्तरी -महोत्तरी जिल्लाको बलवा नगरपालिका मा व्यवसायिक प्रशिक्षण केन्द्र भवन निर्माणको शिलान्यास गरिएको छ।
आज एक भव्य समारोहका बीच मधेस प्रदेशको महोत्तरी जिल्लाको बलवा वार्ड न ६, सोनामाइको प्रांगणमा श्रम, रोजगार तथा सामाजिक सुरक्षा मन्त्रालय अन्तर्गत बन्ने व्यावसायिक प्रशिक्षण प्रतिष्ठानको भूमि पूजन सम्पन्न भएको छ।
लोकतान्त्रिक समाजवादी पार्टीका अध्यक्ष सम्मानित नेता आदरणीय महन्त ठाकुरज्यू र श्रम, रोजगार तथा सामाजिक सुरक्षामन्त्री माननीय शरतसिंह भण्डारीज्यूले संयुक्त रूपमा भूमिपूजन गर्नुभयो।
यस पहलका लागि नेतृत्वदायी भूमिका निर्बाह गर्नुहुने श्रममन्त्री तथा महोत्तरी २ का संघीय सांसद भण्डारीज्युलाई जनताले आभार प्रकट गर्नुभयो ।
कार्यक्रममा सयौं स्थानीय जनता, जनप्रतिनिधि, समाजसेवी तथा युवाहरूको उत्साहजनक उपस्थिति रह्यो।
मधेस प्रदेशमै पहिलोपटक अन्तर्राष्ट्रियस्तरको प्रविधियुक्त सीपमूलक तालिम केन्द्र बन्ने पक्का भएपछि क्षेत्रीय विकास र रोजगारी सृजनामा यसले ठूलो टेवा पुर्याउने विश्वास लिइएको छ।
उक्त भवन शिलान्यास कार्यक्रम लोकतान्त्रिक समाजवादी पार्टी (लोसपा) नेपालका राष्ट्रिय अध्यक्ष तथा पूर्व उपप्रधानमन्त्री आदरणीय माननीय महन्थ ठाकुर र नेपाल सरकारका श्रम, रोजगार तथा सामाजिक सुरक्षा मन्त्री एवं लोसपाका वरिष्ठ नेता शरदसिंह भण्डारीको संयुक्त उपस्थितिमा सम्पन्न भएको हो।
