लाल्टिन खबर 
काठमाडौँ – अविरल वर्षाका कारण विभिन्न स्थानमा अलपत्र परेका पर्यटकको उद्धारका लागि संस्कृति, पर्यटन तथा नागरिक उड्डयन मन्त्रालयले सम्पर्क व्यक्ति तोकेको छ ।
शनिबार पर्यटनमन्त्री बद्री पाण्डे, मन्त्रालय सम्बद्ध निकाय एवं पर्यटन तथा नागरिक उड्डयनसँग सम्बन्धित व्यवसायिक संस्थाका प्रमुख तथा प्रतिनिधिसहित बसेको आकस्मित बैठकले अलपत्र परेका पयर्टकको उद्धारका लागि सम्पर्क व्यक्ति तोक्नेलगायतका निर्णय गरेको हो।
अलपत्र परेका पर्यटकको उद्धारका लागि पर्यटन विभागका निर्देशक राकेश गुरुङ (सम्पर्क नम्बर ९८५६०४०९७६) र पर्यटन बोर्डका निर्देशक नन्दिनी लाहे थापा (सम्पर्क नम्बर ९८५१०२२९१२)लाई सम्पर्क गर्न सकिनेछ।
यस्तै, उद्धार कार्यमा पर्यटक प्रहरीलाई प्रभावकारी रूपमा परिचालन गर्न प्रहरी नायब उपरीक्षक रित बहादुर सिंह (सम्पर्क नम्बर ९८५५०९०४८६)लाई तोकिएको छ।
यस्तै, आन्तरिक उडान अवरूद्ध भई अन्तर्राष्ट्रिय उडान छुट्न गएका यात्रुहरूको टिकट सार्न अतिरिक्त शुल्क नलाग्ने गरी व्यवस्था मिलाउन नेपाल नागरिक उड्डयन प्राधिकरण (CAAN) र सम्बन्धित वायुसेवा कम्पनीहरूले आवश्यक समन्वय गर्ने पनि बैठकले निर्णय गरेको छ।
यस्ता छन् बैठकका अन्य निर्णयः
